ಸೂರ್ಯನ ಬೆಳಕು ತಾಗುತ್ತಿಲ್ಲ ಎನ್ನುವ ಚಿಂತೆಯೇ?; ವಿಟಮಿನ್ ಡಿ ಪಡೆಯಲು ಇಲ್ಲಿದೆ ಸುಲಭ ಮಾರ್ಗ

ಮನುಷ್ಯನ ದೇಹಕ್ಕೆ ವಿಟಾಮಿನ್ ಡಿ ಅನ್ನೋದು ತುಂಬಾನೇ ಅತ್ಯಗತ್ಯ. ವಿಟಮಿನ್​ ಡಿ ಗೆ ದೊಡ್ಡ ಮೂಲಕ ಸೂರ್ಯ. ಆದರೆ, ಲಾಕ್​ಡೌನ್​ ಇರುವುದರಿಂದ ಸೂರ್ಯನ ಕಿರಣ ದೇಹವನ್ನು ತಾಗುತ್ತಿಲ್ಲ. ಇದು ಅನೇಕರನ್ನು ಚಿಂತೆಗೀಡು ಮಾಡಿದೆ.

ಮುಂಜಾನೆ ಅಥವಾ ಸಂಜೆ ವೇಳೆ ಸೂರ್ಯನ ಕಿರಣಗಳಲ್ಲಿ ವಿಟಮಿನ್​ ಡಿ ಇರುತ್ತದೆ. ಅವುಗಳ ದೇಹದ ಮೇಲೆ ಬಿದ್ದರೆ ನಮಗೆ ಯತೇಚ್ಛವಾಗಿ ವಿಟಾಮಿನ್​ ಡಿ ಸಿಗುತ್ತದೆ. ಆದರೆ, ಲಾಕ್​ಡೌನ್​ನಿಂದ ಅನೇಕರು ಮನೆಯಲ್ಲೇ ಕೂರುವಂತಾಗಿದೆ. ಹೀಗಾಗಿ, ಸೂರ್ಯನ ಕಿರಣಗಳು ದೇಹವನ್ನು ತಾಕುತ್ತಿಲ್ಲ. ಹಾಗಾದರೆ, ಸೂರ್ಯನ ಬೆಳಕು ಇಲ್ಲದಿದ್ದರೂ ವಿಟಮಿನ್​ ಡಿ ಪಡೆಯೋದು ಹೇಗೆ? ಅದಕ್ಕೆ ಇಲ್ಲಿದೆ ಉತ್ತರ.

ಸೂರ್ಯನ ಕಿರಣ ಅಲ್ಲದೆ, ನೀವು ತಿನ್ನುವ ಆಹಾರದಲ್ಲೂ ವಿಟಮಿನ್​ ಡಿ ಅಂಶ ಇರುತ್ತದೆ. ಹಾಗಾದರೆ, ಆ ಆಹರಗಳು ಯಾವವು? ಅದಕ್ಕೆ ಇಲ್ಲಿದೆ ಉತ್ತರ. ಮೀನು, ಯೋಗರ್ಟ್​, ಕಡಿಮೆ ಕೊಬ್ಬಿರುವ ಹಾಲು, ಅಣಬೆ, ಕಿತ್ತಳೆ ರಸ, ಮೊಟ್ಟೆ ಇವುಗಳಲ್ಲಿ ಡಿ ವಿಟಾಮಿನ್​ ಹೆಚ್ಚಾಗಿ ಸಿಗುತ್ತದೆ.

ವಿಟಮಿನ್​ ಡಿ ಕೊರತೆಯಿಂದ ಸಾಕಷ್ಟು ತೊಂದರೆಗಳು ಉಂಟಾಗುತ್ತವೆ. ದೇಹದ ಮೂಳೆಗಳ ಸರಿಯಾದ ಬೆಳವಣಿಗೆಗೆ ವಿಟಮಿನ್​ ಡಿ ಅತ್ಯಾವಶ್ಯಕ. ಹೀಗಾಗಿ, ಈ ವಿಟಾಮಿನ್​ ಕೊರತೆಯಿಂದ ತೊಂದರೆ ಉಂಟಾಗಬಹುದು.